Arkivoli që mban trupin e Mbretëreshës Elizabeth II është ulur në varrin mbretëror në kapelën e Shën Gjergjit, në kështjellën Windsor.
Himni kombëtar britanik është kënduar në fund të shërbimit mbretëror të funeralit të saj, fund ky që shënon edhe fundin e transmetimit të pjesës publike.
Brenda kapelës së Shën Gjergjit, dekani i Windsor-it, David Conner, përshkruante se si “në mes të botës sonë që ndryshon me shpejtësi dhe shpeshherë të trazuar, prania e saj e qetë dhe dinjitoze na ka dhënë besim për të përballuar të ardhmen”.
Gjatë shërbimit të përkushtimit, prej saj u morën bizhuteritë e kurorës dhe një shkop ceremonial u thye dhe u vendos mbi të.
Më herët, turma të mëdha u rreshtuan në rrugën e marrë nga garda shtetërore ndërsa ajo bënte rrugën nga Londra në Windsor, me lule të hedhura në rrugën e saj.
Mëngjesin e së hënës, një shërbim funerali shtetëror u mbajt në Westminster Abbey, ndërtesa në të cilën mbretëresha u martua dhe u kurorëzua, transmeton BBC.
Gjatë predikimit të tij, Kryepeshkopi i Canterbury tha se mbretëresha e ndjerë preku “një mori jetësh” gjatë mbretërimit të saj 70-vjeçar.
Mbretëresha pritet të varroset në kishën e Shën Gjergjit.