Mbreti Charles III ka reaguar pas arrestimit të vëllait të tij, ish-princit Andrew, nën dyshimin për lidhje me të dënuarin për abuzim seksual, Jeffrey Epstein.
Në deklaratën e tij të plotë, Mbreti tha se është i shqetësuar nga lajmi për Andrew Mountbatten-Windsor dhe dyshimet për keqpërdorim në detyrë publike.
Ai theksoi se tashmë do të ndjeket një proces i plotë, i drejtë dhe i duhur nga autoritetet përkatëse.
“Siç kam thënë më parë, ata kanë mbështetjen dhe bashkëpunimin tonë të plotë dhe të sinqertë. Dua ta bëj të qartë: ligji duhet të ndjekë rrugën e vet”, tha mbreti.
Ai shtoi se nuk do të ishte e drejtë të komentonte më tej mbi këtë çështje, ndërsa familja mbretërore do të vazhdojë detyrën dhe shërbimin ndaj publikut.