Me 25 vite dënohet Ragip Gashi përvrasjen e gruas

Me 25 vite burgim është dënuar Ragip Gashi, për vrasjen e bashkëshortes së tij, më 2016. Gjykata në Prishtinë ka shpallur aktgjykimin për herë të dyte, duke e shpallur fajtor të njëjtin për vrasje të rëndë e armëmbajtje pa leje. Por dënimi i tij nuk mund të ishte më i ashpër, pasi në raportet e Psikiatrisë Forenzike, thuhej se i njëjti kishte aftësinë e tij mendore të zvogëluar në momentin e kryerjes së veprës

Për herë të dytë Ragip Gashi është shpallur fajtor e është dënuar me burgim për vrasjen e gruas së tij më 2016.

Gashi u dënua me dënim unik prej 25 vitesh burg nga Gjykata Themelore në Prishtinë, për veprat penale vrasje e rëndë e armëmbajtje pa leje.

“Gjykata në bazë të dispozitave ligjore në bazë të kodit të procedurës penale dhe kodit penal të Republikës së Kosovës, të pandehurit Ragip Gashi i shqipton për veprën penale “vrasje e rëndë” nga neni 179 paragrafi 1 nënparagrafi 1.3, 1.4 dhe 1.11 të kodit penal i shqiptohet dënim në kohëzgjatje prej 24 viteve, derisa për veprën armëmbajtje pa leje e dënon me 2 vite.”, thotë Fatime Dermaku – Kryetare e trupit gjykues.

I njëjti ishte shpallur fajor e dënuar me dënim unik prej 25 vitesh edhe në vitin 2020, nga Gjykata në Prishtinë, por Apeli e ktheu edhe njëherë në rigjykim.

Kryetarja e trupit gjykues tregoi për rrethanat që kanë ndikuar për të mos u vendosur dënim më i lartë ndaj tij.

“Bazuar në ekspertizën mjeko ligjore të Institutit të Psikiatrisë i cili ka theksuar, ka konstatuar se i pandehuri në kohën kur e ka kryer veprën penale aftësia e tij mendore ka qenë e zvogëluar, prandaj duke e pasur parasysh këtë rrethanë e ka shqiptuar dënimin si më lartë”, shtoi ajo.

Sipas Prokurorisë Themelore në Prishtinë, i akuzuari Ragip Gashi më 21 dhjetor 2016 në Prishtinë, në lagjen “Mati 1”, i nxitur nga motivet e ulëta të xhelozisë, në mënyrë dinake e privon nga jeta bashkëshorten e tij, tani të ndjerën M.G.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika