Numri i të vdekurve nga tërmeti në Turqi dhe Siri është rritur në 22 mijë e 375.
Në Turqi, statistikat e fundit të përditësuara tregojnë se 18 mijë e 991 persona kanë vdekur ndërsa, 75 mijë e 523 janë plagosur apo lënduar si pasojë e tërmetit, kështu ka bërë të ditur presidenti i Turqisë, Rexhep Tayyip Erdogan, shkruan CNN.
Ndërsa, numri i të vdekurve në Siri është 3 mijë e 384, 5 mijë e 245 janë të plagosur ndërsa 2 mijë e 295 janë me lëndime që po kontrollohen nga qeveria e Sirisë.
Ndryshe, të hënën Turqia është goditur nga një tërmet me magnitudë 7.8 ballë.
Ndërkaq, presidenti turk të premten e 10 shkurtit ka vizituar zonat Adiyaman dhe Malatya për të parë nga afër zonat e prekura nga vërshimet.
Ekipet e kërkim-shpëtimit po vazhdojnë të kërkojnë të mbijetuarit nën rrënojat e ndërtesave.
Ndërsa, mediat ndërkombëtare bëjnë të ditur se në Turqi moti është shumë i ftohtë, gjë që e vështirëson edhe kërkimin për të mbijetuarit.