Pas vlerësimit të largimit të tij verën e kaluar, klubi francez, Paris Saint-Germain, duket i vendosur të rikthejë në shitje yllin brazilian, Neymar.
Kështu ka raportuar portali i transferimeve, Fichajes, por, sipas tyre mbetet për t’u parë nëse ndonjë ekip është i gatshëm të marrë përsipër koston shumë të lartë të operacionit.
Sipas Fichajes, PSG mori oferta për Neymar verën e kaluar, por çmimi i tyre i kërkuar prej 150 milionë eurosh largoi shumë kërkues. Megjithatë, ata thuhet se e kanë ulur këtë tani, dhe sugjerohet se ai mund të jetë në dispozicion për 50 milionë euro.
Me këto raportime, tre klube të Premierligës janë shfaqur si destinacione të mundshme për Neymar. Mega të pasurit Newcastle United, Chelsea dhe Manchester City thuhet se të gjithë janë të interesuar për 30-vjeçarin.
Edhe pse PSG do të dëgjojë oferta për të këtë muaj, një marrëveshje në verë thuhet të jetë më e mundshme. Megjithatë, duket se lojtari më i shtrenjtë në botë mund të jetë në lëvizje.
Verën e kaluar, pasi klubi vulosi vazhdimësinë e francezit, Kylian Mbappe, bordi i Paris Saint-Germain vendosi ta nxjerrë në shitje Neymarin.
Paga e tij e tepruar, performanca e tij e parregullt dhe historia e tij e gjatë e lëndimeve ishin çelësi për klubin për të vlerësuar një largim që, në fund, nuk u realizua.
Edhe pse gjatë këtij sezoni, prestigjiozja L’Equipe siguroi se bordi kishte vendosur të parkojë këtë ide për shkak të performancës së mirë që kishte ofruar futbollisti (ai ka 15 gola dhe 13 asistime në 21 ndeshje zyrtare).