Ministri i Mbrojtjes, Armed Mehaj ka njoftuar se në këtë të dielë e ka vizituar familjen e dëshmorit, Husen Mulla në Shipshan të Tropojes.
“Kontributi i secilit dëshmor i cili ka dhënë jetën për lirinë e Kosovës do të vlerësohet dhe nderohet gjithmonë nga ana jonë”, ka shkruar Mehaj.
Ministri Mehaj ka shtuar se dëshmorët dhe familjet e tyre “do të jenë gjithmonë përkujtuesit më të mirë se si duhet të jetohet dhe vdiset për atdhe”.
“Tropoja është vend në gjirin e të cilit u formuan dhe u rriten shumë trima e idealist të kombit, i tillë ishte edhe dëshmori, Husen Mulla, i cili nuk mund të qëndronte i qetë përderisa gjysma e atdheut po sulmohej barbarisht”, ka thënë tutje Mehaj.
Tutje Mehaj ka potencuar se dëshmori Mulla është kyçur në radhët e UÇK-së dhe “ka luftuar me nder e krenari të madhe për lirinë tonë”.