Ish-ministri I Mbrojtjes, Armend Mehaj, ka kërkuar drejtësi për 45 civilët shqiptarë që u masakruan nga forcat serbe në Reçak, më 15 janar të vitit 1999.
Mehaj tha se ka mjaft dëshmi, siç është kjo e Reçakut, se Serbia ka kryer gjenocid në Kosovë.
“25 vite me parë, pikërisht më 15 janar të vitit 1999, forcat ushtarake dhe policore serbe kryen një masakër të madhe kundër popullsisë shqiptare në fshatin Reçak të Shtimes. 45 civilë shqiptarë u vranë e me pas u masakruan në format më barbare nga forcat serbe. Krimet e gjenocidit që u kryen në Reçak e gjithandej Kosovës, janë dëshmia më e mirë që shteti serb kreu krime të gjenocidit në Kosovë gjatë viteve 1998-1999”, tha ai.
Ai u shpreh se “Martirët e Reçakut përherë do të jene në kujtesën tonë kolektive dhe emrat e tyre përherë do të mbesin në historinë tonë më të re”.