Kryeredaktorit i “Albanian Post”, Lirim Mehmetaj ka thënë se Gjykata Speciale është gjykatë e Kosovës, nuk është ndërkombëtare.
Sipas Mehmetajt, të paktën ligjërisht e njohim si Gjykatë e Kosovës, pasi ka dalë ka Kuvendi i Kosovës.
“Supozohet: të akuzuarit duhej të dënoheshin me ligje te vendit, e jo me ligje ndërkombëtare, nga gjykata ndërkombëtare. I akuzuari gjykohej sipas ligjit i cili ka qenë në funksion në kohen kur ka ndodhur vepra, që i bie me kodin penal të ish-Jugosllavisë të vitit 1976. Ku Ky kod penal nuk e parasheh akuzën ndërmarrje e përbashkët kriminale. As kushtetuta e Kosovës nuk e parasheh akuzën, ndërmarrje e përbashkët kriminale. As ligji i Kosovës, as Ligji për Dhomat e Specializuara nuk e parasheh akuzën, ndërmarrje e përbashkët kriminale…”, ka thënë Mehmetaj.
“Është disi e çuditshme se si ka me vazhdu në të ardhmen, mirëpo edhe ata individë që e kanë presupozu drejtësinë me marr nga Gjykata Speciale, besoj që do të dëshpërohen për shkak se kjo do të bie. Është e pamundur me ndërtu një akuzë të tillë, me ligje të Gjykatës Speciale…Besoj do ta kundërshtojnë ashpër avokatët mbrojtës. Do ta shohim ditëve në vijim” ka theksuar Mehmetaj.