Dhjetëra protestues kanë hyrë me forcë në godinën e parlamentit federal të Nepalit në Kathmandu, duke i vënë zjarrin një pjese të ndërtesës.
Pamjet tregojnë tym që ngrihet nga krahët e parlamentit, ndërsa turma e zemëruar ka thyer dritaret dhe ka shkatërruar mobiliet brenda.
Protestuesit, shumë prej të cilëve mbanin flamurin e Nepalit, po vallëzojnë e brohorasin slogane kundër qeverisë pranë hyrjes, ku është ndezur një zjarr i madh.
Në oborr janë parë motorçikleta që transportonin bimë të shkulura nga kopshti dhe madje edhe piktura nga brendësia e parlamentit.
Në muret e jashtme janë shkruar mesazhe kundër qeverisë, përfshirë grafitin: “e more luftën e gabuar.”
Ngjarja shpërtheu pasi kryeministri i Nepalit dha dorëheqje në kulmin e protestave masive kundër korrupsionit.
Turma ka sfiduar edhe orën policore të vendosur pas të shtënave të së hënës, duke e bërë situatën gjithnjë e më të tensionuar./BBC