Prokuroria Themelore në Prishtinë ka njoftuar se ka pranuar një informacion anonim lidhur me dyshimet se Millosh Steviq, ka ndikuar te qytetarët për të votuar dhe ka kërkuar raporte shëndetësore nga disa persona, me qëllim që ata të asistohen gjatë procesit të votimit.
Personi i dyshuar është shoqëruar në stacionin policor në Komunën e Graçanicës, ku po ndërmerren të gjitha masat dhe veprimet e nevojshme hetimore në përputhje me procedurat ligjore.
Gjatë kontrollit fillestar nuk është gjetur asgjë e dyshimtë, ndërsa ai është intervistuar nga organet kompetente.
Prokuroria Themelore në Prishtinë, në koordinim me Policinë e Kosovës, ka theksuar se do të vazhdojë të jetë e përkushtuar në ruajtjen e rendit dhe ligjshmërisë, si dhe në garantimin e një procesi zgjedhor të lirë dhe demokratik.