Ministri i Punëve të Jashtme të Italisë, Antonio Tajani bashkë më ministrin e Mbrojtjes, Guido Crosetto, të martën e 22 nëntorit do ta vizitojnë Kosovën.
Në një postim në Twitter, ambasada italiane në Kosovë ka shkruar se janë duke punuar për të lehtësuar tensionet midis Kosovës dhe Serbisë.
Ministri Tajani në Twitter ka shkruar se Italia dëshiron të jetë protagoniste e paqes në Ballkanin Perëndimor.
Ai ka njoftuar se do ta vizitojnë edhe Beogradin.
“Sot në mision të përbashkët me Ministrin e Mbrojtjes Guido Crosetto në Serbi e Kosovë. Po punojmë për të ulur tensionin mes dy vendeve, edhe falë pranisë së kontingjentit tonë ushtarak. Italia gjithashtu dëshiron të jetë protagoniste e paqes në Ballkanin Perëndimor”, shkruan ai.
MJ @Antonio_Tajani:"Sot në mision të përbashkët me Min. e Mbroj. @GuidoCrosetto në Serbi e Kosovë. Po punojmë për të lehtësuar tensionet mes dy vendeve, edhe falë pranisë së kontingjentit tonë ushtarak. 🇮🇹 gjithashtu dëshiron të jetë protagoniste e paqes në Ballkanin Perëndimor." https://t.co/eIh1DfqCID
— Italy in Kosovo (@ItalyinKosovo) November 22, 2022
Ndryshe, kryeministri i Kosovës, Albin Kurti, më 6 nëntor kishte njoftuar se ka zhvilluar një bisedë telefonike me ministrin e Jashtëm të Italisë, Anthony Tajani.
Në postimin e tij, kryeministri Kurti ka thënë se ministri Tajani e ka rikonfirmuar mbështetjen e Italisë për paqen dhe sigurinë në mbarë Republikën e Kosovës.