Ministri i Bujqësisë, Faton Peci dhe zëvendësministri i Brendshëm, Blerim Gashani, e kanë vizituar në zyrën e tij kryetarin e komunës së Leposaviqit, Lulzim Hetemi.
“Së bashku me Zëvendësministrin e Brendshëm, Blerim Gashani, kisha kënaqësinë e veçantë të vizitojmë sot në zyrën e tij, z. Lulzim Hetemin, Kryetarin e Komunës së Leposaviqit. Ia uruam detyrën e re dhe i ofruam tërë mbështetjen e Qeverisë së Republikës së Kosovës”, ka shkruar ministri Peci.
Ministri i Bujqësisë njofton se i kishte treguar kryetarit Hetemi për planet e projektet shumëmilionëshe për bujqësinë për qytetarët e komunës që ai udhëheq, pa asnjë dallim përkatësie etnike e tjetërfare
“Si Ministër i Bujqësisë, i tregova kryetarit Hetemi për planet e projektet shumëmilionshe për bujqësinë të Ministrisë që unë udhëheq për qytetarët e komunës që ai udhëheq, pa asnjë dallim përkatësie etnike e tjetërfare”, ka shkruar tutje ministri Peci.