Këtë të premte Qeveria e Kosovës ka mbajtur mbledhje elektronike në të cilën ka miratuar disa projektligje.
Në këtë mbledhje është miratuar projektligji për ndryshimin dhe plotësimin e Ligjit Nr. 06/L-005 për Tatimin në Pronën e Paluajtshme.
“Qëllimi i këtij Ligji është të sigurojë progresivitet të shkallës tatimore, lirim tatimor për vendbanimin parësorë dhe tokat bujqësore, faljet tatimore për vitin tatimor 2023 dhe rregullat kufizuese për aplikimin e detyrimit tatimor, dhe interesit”, njofton Zyra e Kryeministrit.
“Vendimin për ndryshimin dhe plotësimin e Vendimit të Qeverisë Nr. 03/111 të datës 7 dhjetor 2022, vendimin për ndryshimin dhe plotësimin e Vendimit të Qeverisë Nr. 01/23, të datës 8 prill 2020, vendimin për miratimin e Programit Kombëtar për Integrim Evropian 2023-2027 “, njofton Kryeministria për projektligjet e miratuara në këtë mbledhje.
Kryeministria tutje njofton se programi kombëtar për Integrim Evropian është dokumenti kryesor Strategjik i Republikës së Kosovës për zbatimin e reformës për integrim në Bashkimin Evropian, i orientuar kah adoptimi aquis së BE-së në legjislacionin kombëtar dhe zbatimin e tij.