Kompania “Moderna” ka paditur “Pfizer” dhe partnerin e saj gjerman “BioNTech” për shkelje të patentave në zhvillimin e vaksinës së parë Covid-19.
Por, “Pfizer” ka thënë se kompania nuk kishte marrë ende dokumentet ligjore dhe nuk është në gjendje të komentojë për këtë veprim të kompanisë “Moderna”.
Në një deklaratë, kompania e barnave “Moderna” ka theksuar se “Pfizer” dhe “BioNTech” ka kopjuar dy lloje të pronësisë së saj intelektuale. Njëra përfshinte një strukturë mRNA që “Moderna” ka thënë se shkencëtarët e saj kishin filluar ta zhvillonin në vitin 2010 dhe ishin të parët që vërtetuan në provat njerëzore në 2015.
Ndërsa shkelja e dytë e supozuar përfshin kodimin e proteinës së majës në pjesën e jashtme të vetë virusit, raporton BBC.
“Ne po i ngremë këto padi për të mbrojtur platformën inovative të teknologjisë mRNA, të cilën e kemi nisur, investuam miliarda dollarë në krijimin dhe patentuar gjatë dekadës para pandemisë Covid-19”, kishte deklaruar shefi ekzekutiv i Moderna, Stephane Bancel.
Ndryshe, padia, e cila kërkon dëme të paspecifikuara financiare, është ngritur në SHBA dhe Gjermani.