Kryetari i Partisë Socialdemokrate, Dardan Molliqaj, ka paralajmëruar protestë mbarëpopullore ndaj Ministritit të Financave, Hekuran Murati.
Në një konferencë për media, Molliqaj përkrah Natyra Kuqit u ka bërë ftesë protestuesëve të jenë prezent në protestën e 6 korrikut më ora 19:00.
Gjersa i ka kujtuar fjalët e Kurtit që nuk donte t’i kujtonte komentet e kaluara, Molliqaj ka thënë se Qeveria e Kosovës po ushqen qasjet e tilla, siç ishte ajo, në komentet e Muratit, viteve të mëhershme.
“Duke parë që Qeveria e Kosovës jo vetëm nuk po reagon, mirëpo po e ushqen atë, po e mbron dhe ndonjëherë edhe po e nxit një qasje të tillë, është e domosdoshme që qytetarët e Republikës së Kosovë të reagojnë ndaj saj”, ka thënë Molliqaj.
Ndër të tjera, ai ka thënë se hovi i këtij diskursi publik, sulmon kategori të caktuara shoqërore dhe vlera universale siç është liria.
“Asnjë popull nuk do e kishte duruar asnjë zyrtar që e sulmon subjektin që ka ndikuar në liri”, ka theksuar ai.
Përgjatë të enjtes, Kryetari i Partisë Socialdemokrate, Dardan Molliqaj, kishte publikuar numrin e telefonit personal të ministrit të Financave, Hekuran Murati.
PSD pritet të mbajë protestë për shkarkimin e ministrit Murati