Ministria e Shëndetësisë u ka bërë thirrje qytetarëve të Kosovës që të kenë kujdes të shtuar me ujë të pijes, si pasojë e vërshimeve të mëdha.
MSh ka bërë të ditur se “në pjesën më të madhe të vendit tonë situata me ujë të pijes është vështirësuar”.
Sipas MSh-së, të gjitha QRSHP-të në Kosovë janë në gjendje gatishmërie me ekipe kujdestare pa ndërprerë, me specialistët e ekologjisë humane dhe epidemiologjisë dhe po monitorojnë situatën epidemiologjike, e cila sipas tyre, është në kontroll dhe nuk ka raste të dyshimta të sëmundjeve ngjitëse si pasojë e vërshimeve.
Tutje, në njoftimin e MSh-së janë dhënë detaje për Kompanitë Rajonale të UJësjellësit të secilës komunë.
KRU “Mitrovica”- Rajoni Mitrovicë:
Fabrikat në Shipol- Mitrovicë dhe në Balicë- Vushtrrisë janë në funksion të plotë me trajtimin e ujit.
Në mostrat e grumbulluara, analizat laboratorike fiziko-kimike dhe bakteriologjike rezultojnë brenda standardeve. Klori rezidual në rrjetin shpërndarës është 0,2mg-0,3mg/L në tërë zonën e shërbimit.
Për shkak të vërshimeve uji i puseve nuk është i sigurt dhe duhet të vlohet para përdorimit.
KRU “Hidrodrini”- Rajoni i Pejës:
Vlerat e turbullirës brenda standardeve.
Në mostrat e grumbulluara, analizat laboratorike fiziko-kimike rezultojnë brenda standardeve.
Klori rezidual në rrjetin shpërndarës është 0,2mg-0,3mg/L
Uji i analizuar nga ujësjellësi në Klinë rezulton me kontaminin bakteror.
Rekomandohet që uji të vlohet para përdorimit.
KRU “Gjakovë”- Rajoni i Gjakovës:
Në zonat e furnizimit nga KRU”Gjakova” gjendja e cilësisë së ujit të pijes është e qetë.
Të gjitha mostrat e analizuara janë brenda standardeve të parapara për ujin e pijshëm.
Klori rezidual në rrjetin shpërndarës është 0,25mg-0,35mg/L.
KRU “Bifurkacioni”- Rajoni Ferizaj:
Fabrika në Pleshinë, Kaçanik, Hani Elezit, Shtërpcë të gjitha mostrat e ujit janë brenda standardeve për ujin e pijes.
Klori rezidual në rrjetin shpërndarës është 0,2-0,3mg/L.
KRU “Hidromorava”- Rajoni Gjilan:
Të gjitha mostrat e ujit të cilat janë marrë në Gjilan janë brenda standardeve për ujin e pijes.
Klori rezidual në rrjetin shpërndarës është 0,2mg-0,3mg/L.
Në Letnicë-Viti ka filluar trajtimi si ujë teknik, andaj rekomandohet qytetarët të mos e pijnë ujin.
Rekomandohet KRU “Hidromorava” të furnizojë qytetarët me ujë të pijshëm.
KRU “Hidroregjioni jugor”- Rajoni Prizren:
Klori rezidual në rrjetin shpërndarës është 0,2mg-0,3 mg/L.
Të gjitha mostrat e testuara në laboratorët e QRSHP Prizren janë brenda standardeve për ujë të pijshëm sipas Udhëzimit Administrativ Nr.10/21 për cilësi dhe konsum human.
IKSHPK / Qendra e Ujit rekomandon të gjitha Kompanitë Rajonale të Ujësjellësit (KRU) me qëllim të stabilizimit të furnizimit:
- Përcjellja e vlerave të turbullirës dhe kujdes i shtuar në procesin e trajtimit
- Kujdes i shtuar në procesin e dezinfektimit
- Mbrojtje të stabilimenteve dhe të burimeve
- Sanimin e gjendjes aktuale në rast të defekteve teknike
- Riparimi dhe debllokimi i pusetave
- Sanimi i dëmtimeve ne rrjetin shpërndarës
Po ashtu, u rekomandohet qytetarëve të Kosovës që uji para përdorimit të vlohet “si masë e sigurisë bakteriologjike e zbatueshme në situata me turbullirë të shtuar në resurse për të parandaluar shpërthimin e epidemive hidrike”.