Ministria e Shëndetësisë, ka dalë me njoftim për prindërit se, e ka miratuar vaksinimin e fëmijëve të moshës pesë deri njëmbëdhjetë vjeç, me vaksinën kundër COVID-19.
Në njoftim thuhet se, para pak ditësh, Kosova ka marrë donacion nga SHBA-ja përmes mekanizmit COVAX, vaksina pediatrike kundër COVID-19 dhe tash ato janë miratuar për dhënie te fëmijët mbi 5 vjeç.
Për t’u imunizuar kundër virusit Covid-19, fëmijët duhet të jenë nën përkujdesjen e prindit apo kujdestarit ligjorë. Vaksinimi i tyre mund të bëhet nga dita e enjte e tutje.
Msh-ja ka bërë të ditur se grupmosha 60+, mund të vaksinohen me dozën e katërt me kusht që të kenë kaluar së paku 4 muaj nga marrja e dozës së tretë.
Tashmë, grupmosha 12+ vjeç mund të vaksinohen me dozën e parë, të dytë dhe të tretë, kurse grupmosha 5-11 vjeç me dozën e parë dhe dozën e dytë.