Ka dështuar të mbahet seanca gjyqësore kundër ministrit të Punëve të Brendshme, Xhelal Sveçla e deputetëve të Vetëvendosjes (VV), Salih Zyba, Drita Millaku dhe Fitore Pacolli.
Seanca është shtyrë për 1 mars pasi ka munguar deputetja e VV-së, Fitore Pacolli.
Sveçla, bashkë me deputetët Fitore Pacolli, Drita Millaku dhe Salih Zyba akuzohen se hodhën gaz lotsjellës në seancën e 21 marsit të 2018-s.
Sipas aktakuzës, Sveçla dhe të tjerët më 21 mars të po të njëjtit vit, rreth orës 12:10 deri në orën 15:40, në sallën e Kuvendit, kishin ndezur disa bombola të gazit lotsjellës, duke pamundësuar vazhdimin e seancës plenare.