Kundërpërgjigjes së deputetes nga radhët e LDK-së, Hykmete Bajrami nuk i ka rezistuar Ministri në detyrë i Financave, Hekuran Murati.
Përmes llogarisë së tij në Facebook, ky i fundit ka deklaruar se opozita po vazhdon me propagandën e saj duke dhënë shembuj që sipas tij, e vërtetojnë këtë.
“Mirëpo përsëri nuk dorëzohen në propagandën e tyre, sepse kur ua ofron argumentet e i demanton, ata e ndërrojnë temën. Faktin e rritjes së qarkullimit të bizneseve po mundohen ta zbehin duke thënë se rritja e qarkullimit po vjen si rezultat i inflacionit.
Por edhe kjo demantohet lehtësisht me fakte👇:
Mesatarja e inflacionit për 6 muajt e parë krahasuar me periudhën e njëjtë në vitin e kaluar, sipas ASK-së është 2.84%.
Kurse qarkullimi i bizneseve është rritur për 10.3%.
Po të ishte i saktë pretendimi se inflacioni po e rritë qarkullimin, atëherë as qarkullimi nuk do të rritej më shumë se 2.84%.
Por ja që qarkullimi i bizneseve është rritur 10.3%.”, ka shkruar Murati.