Analisti Imer Mushkolaj ka reaguar pasi disa zyrtarë të pushtetit kanë prezantuar shifra të reja në lidhje me subvencionimin me tekste shkollore.
Ai, përmes një postimi në faqen e tij zyrtare në Facebook, ka thënë se numri i aplikimeve për subvencionim me tekste shkollore po prezantohet si sukses nga pushteti, ndonëse nuk u kanë lënë zgjidhje tjetër prindërve përveç aplikimit për subvencionim.
“Numrin e aplikimeve për tekste shkollore, pushteti po e prezanton si sukses. A janë more normalë? Pse, çfarë zgjidhje tjetër iu kanë lënë prindërve, përveç aplikimit? Për besë marre me u krenu me këtë send”, ka shkruar Mushkolaj.
Mëngjesin e së hënës disa zyrtarë nga pushteti dolën me shifra të reja, ku thanë se në platformën e-Kosova janë pranuar 51.200 aplikime për subvencionim me tekste shkollore.