Analisti politik, Imer Mushkolaj, e ka kritikuar ashpër qeverisjen dyvjeçare të Lëvizjes Vetëvendosje.
Mushkolaj në Debat Plus, ka thënë se është e turpshme që ende paga minimale nuk është rritur siç është premtuar.
“Hala e keni lënë pagën minimale 130 deri 170 euro, nëse ju më thoni që jo një familje, por një person mundet të jetojë me 130 euro, atëherë është problematike. Kur e keni propozuar, që sa është kjo punë?”, ka thënë ai.
Mushkolaj tha se për shkak të qeverisjes së VV-së, njerëzit janë duke ikur nga vendi çdo ditë e më shumë.
“Vetëm shpresë nuk ka në këtë vend, njerëzit janë duke ikur çdo ditë e më shumë. Jo vetëm ata që janë të papunë, por edhe ata që e kanë një punë solide, po ikin me familje. Ata nuk po ikin prej meje, por prej jush”, ka thënë ai.