Kandidati i Partisë Demokratike të Kosovës (PDK) për kryetar të Lipjanit, Shukri Buja, ka zhvilluar një takim me gratë e Shalës, ku ka prezantuar programin e tij politik për zgjedhjet e 12 tetorit.
Në këtë bashkëbisedim të hapur ishin të pranishme edhe deputetet e Kuvendit të Kosovës, Ganimete Musliu dhe Ariana Musliu Shoshi, të cilat i dhanë mbështetje Bujes në garën e tij.
“Së bashku me deputetet e Kuvendit të Kosovës, znj. Ganimete Musliu dhe znj. Ariana Musliu Shoshi, si dhe me kandidatin tonë për Kuvendin Komunal, Edison Beqiri, zhvilluam një bashkëbisedim të hapur me gratë e Shalës.
Para tyre shpalosëm programin tonë, i cili parasheh masa konkrete për fuqizimin socio-ekonomik të grave dhe rritjen e rolit të tyre në vendimmarrje.
Nga ky takim morëm mbështetje të fuqishme, e cila na jep energji shtesë për të çuar përpara këtë vizion”, ka shkruar Buja.