Deputetja e Partisë Demokratike të Kosovës (PDK), Ganimete Musliu, e ka lëshuar seancën e Kuvendit të Kosovës, për shkak të mungesës së ministrave.
Në seancën ku në rend dite janë pyetjet parlamentare, ajo është shprehur se ka pyetje për ministrat Liburn Aliu dhe Xhelal Sveçla, të cilët nuk ishin pjesë e seancës.
“E kam bërë një pyetje për ministrin Xhelal Sveçla me datën 5 qershor 2023, sot jemi në 1 dhjetor dhe ai nuk vjen të përgjigjet. Vetë fakti që unë kam pyetje parlamentare sot për Liburn Aliu dhe Xhelal Sveçlën dhe as sot nuk janë këtu, nuk e di pse ia vlen ne të rrimë në këtë seancë më. Ose koordinohuni me kabinetin qeveritar që ata të vijnë ta kryejnë obligimin ndaj kuvendit dhe qytetarëve të Kosovës, ose mos i thirrni këto seanca koti. Unë tërhiqem nga kjo senacë, sepse është e pakuptimtë dhe e padrejtë që të rri edhe më tutje në këtë kuvend”, është shprehur ajo.