Seanca e së mërkurës e Kuvendit të Kosovës ka dështuar të mbahet për shkak të mungesës së kuorumit.
Kryetari i Kuvendit, Glauk Konjufca, ka kërkuar nga shefat e grupeve parlamentare që t’i thërrasin deputetët në sallë, në mënyrë që të vërtetohet se a ka kuorum për ta vazhduar seancën.
Pas numërimit të deputetëve, ai ka thënë se me vetëm 44 deputetë në sallë, nuk ka kushte për t’u mbajtur seanca.
Ndërkaq, Kuvendi pritet ta vazhdojë seancën të enjten e 13 prillit.