“Ishte një nder dhe privilegj i jashtëzakonshëm të shërbeja këto pesë vite si President i Republikës të Shqipërisë”.
Kështu ka shkruar Presidenti i Republikës së Shqipërisë, Ilir Meta në ditën kur pritet t’i dorëzoj detyrën e tij Bajram Begajt, ish-Shefit të Shtabit të Përgjithshëm të Forcave të Armatosura.
Përmes një postimi në Facebook, Meta ka falenderuar të gjithë përkrahësit e tij gjersa ka uruar më të mirat për Shqipërinë.
“Uroj për atdheun dhe kombin tonë më të mirën! Paqe dhe mbarësi për çdo familje shqiptare! Zoti e bekoftë Shqipërinë!’’, ka shkruar Meta.
Presidenti i ardhshëm, Begaj do të betohet në një seancë të posaçme parlamentare që do të zhvillohet në orën 18:00 në Kuvend.
Bajram Begaj ishte propozim i Partisë Socialiste.