Në veri ndalohet një autoambulancë, dyshohet se me të kontrabandoheshin barna

Në fshatin Rudare të Zveçanit është ndaluar një autoambulancë që dyshohet se po kontrabandonte produkte medicinale, pasi drejtuesi i automjetit nuk posedonte dokumente për prejardhjen e tyre

Mallrat që po tentonin të kontrabandoheshin me autoambulancë

Të martën e dy gushtit, Policia e Kosovës ka njoftuar se në veri të vendit, në fshatin Rudare të Zveçanit, njësitet policore nga Drejtoria Rajonale e Policisë Kufitare, kanë ndaluar një autoambulancë me të cilën dyshohet se po kontrabandoheshin barna.

Sipas njoftimit të Policisë, automjeti i ndaluar drejtohej nga D.S., me banim në Zveçan.

Njësitet policore gjatë kontrollimit të automjetit, të ngarkuar në të, kanë hasur pako me produkte medicinale me banderola të Serbisë.

Ndërsa, drejtuesi i automjetit nuk posedonte dokumente për prejardhjen e produkteve medicinale.

Mallrat që po tentonin të kontrabandoheshin me autoambulancë

“Ekziston dyshim i bazuar se ato barna kanë hyrë në territorin e Republikës së Kosovës në mënyrë ilegale, pra janë kontrabanduar duke i ikur obligimeve doganore”, thuhet në njoftim.

Policia për rastin ka njoftuar prokurorin e Prokurorisë Themelore në Mitrovicë dhe rasti në koordinim me të është duke u trajtuar më tutje.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika