Pas një serie të gjatë dështimesh të Listës Serbe për të siguruar postin e nënkryetarit të Kuvendit, Nenad Rashiq nga partia Për Liri, Drejtësi dhe Mbijetesë është zgjedhur në këtë pozitë.
Në votimin e zhvilluar, Rashiqi mori 71 vota për, 9 kundër dhe 24 abstenime, duke u bërë njëri nga pesë nënkryetarët e Kuvendit të Kosovës.
Ai siguroi mbështetje jo vetëm nga deputetët e Lëvizjes Vetëvendosje dhe disa prej përfaqësuesve të komuniteteve joshumicë joserbe, por edhe nga deputetët e Lidhjes Demokratike të Kosovës. Ndërkohë, deputetët e Partisë Demokratike të Kosovës dhe ata të Aleancës për Ardhmërinë e Kosovës abstenuan, ndërsa Lista Serbe votoi kundër.