Të martën e 10 janarit është nënshkruar marrëveshja për ndërtimin e teleferikut për në Kalanë e Prizrenit.
Këtë e ka bërë të ditur kryetari i Prizrenit, Shaqir Totaj.
Totaj përmes një postimi në Facebook ka bërë të ditur se nënshkrimi i marrëveshjes u bë me ministrin e Mjedisit, Planifikimit Hapësinor dhe Infrastrukturës, Liburn Aliun dhe agjencinë Zvicerane, Swiss-Contact.
“Sot, së bashku me Ministrin e Mjedisit, Planifikimit Hapësinor dhe Infrastrukturës, z. Liburn Aliu dhe agjencinë Zvicerane Swiss-Contact, nënshkruam marrëveshje tripalëshe për ndërtimin e teleferikut për në Kalanë e Prizrenit. Fillim vit i mbarë”, ka shkruar Totaj.