Të paktën tetë njerëz janë vrarë të martën në një sulm me të shtëna me armë në një shkollë në qytetin Graz të Austrisë, ka deklaruar kryetarja e qytetit, Elke Kahr.
Khar ka njoftuar se edhe sulmuesi i dyshuar është vrarë.
Këtë sulm ajo e ka quajtur si “tragjedi të tmerrshme”, ka raportuar agjencia Austria Press.
Forcat Speciale janë dërguar në gjimnazin BORG Dreierschützengasse, pas një telefonate në orën 10:00 të mëngjesit.
Rreth një orë më vonë, policia njoftoi në rrjetin social X se të gjithë janë evakuuar nga shkolla dhe janë dërguar në vend të sigurt.
Policia ka shtuar se situata është “nën kontroll” dhe se nuk ka më rrezik.
Grazi, qyteti i dytë më i madh i Austrisë, ndodhet në juglindje të vendit dhe ka rreth 300,000 banorë.