Sondazhi i UBO Consulting: LVV e para me 48.5%, PDK e dyta, LDK e treta

Bazuar në një sondazh të UBO Consulting, Lëvizja Vetëvendosje (LVV) ka kryesuar në vend të parë me 48.5 për qind, ndërsa partia e dytë, që është listuar me 18.2 për qind, është Partia Demokratike e Kosovës (PDK)

Emisioni “Debat Plus” nga RTV Dukagjini ka përfshirë disa pyetje në kuadër të OMNIBUS-it, që realizohet çdo tre muaj nga UBO Consulting.

Nga sondazhi, në kuadër të OMNIBUS-it për matjen e opinionit publik, nëse zgjedhjet do të mbaheshin këtë të diel, Lëvizja Vetëvendosje (LVV) do të printe e para në listë, duke kryesuar me 48.5 për qind.

Ndërsa, partia tjetër që kryeson në vend të dytë është Partia Demokratike e Kosovës (PDK), me 18.2 për qind, duke lënë pas Lidhjen Demokratike të Kosovës (LDK), me 17.9 për qind.

Pas këtyre partive pason AAK-ja, e cila rezulton të ketë 6.8 për qind.

Lista Serbe ka marrë 3.2 për qind, ndërkaq Nisma Socialdemokrate ka marrë 1.5 për qind.

Ndërkaq, partitë e tjera janë listuar në vende më poshtë, si Lista Guxo me 0.8  për qind, PSD-ja me 0.4 për qind, ndërsa Alternativa me 0.1 për qind.

Ndërsa, të tjera janë listuar me 2.6 për qind.

51.3 % kanë thënë që do të votonin, 29.0 % kanë thënë se ndoshta do të votonin, 3.9% më gjasë nuk do të votonin, 12.1% definitivisht kanë thënë se nuk do të votonin, 2.7% kanë thënë se nuk e dinë dhe 1 % s’kanë përgjigje.

Sipas këtij sondazhi, nëse këto zgjedhje do të mbaheshin, atëherë VV-ja do të kishte ulëse 53 deputetë.

Ndërsa, PDK-ja do të kishte 20 ulëse. Njëjtë do t’i kishte edhe LDK-ja – 20 deputetë.

Kurse, AAK-ja do t’i kishte 7 deputetë, kurse minoritetet 20 ulëse të cilat i kanë të rezervuara.

Kështu bën të ditur drejtori ekzekutiv në TV Dukagjini, Ermal Panduri, në emisionin “Debat Plus”, në RTV Dukagjini, teksa prezantoi të dhënat e fundit, ku RTV Dukagjini ka përfshirë disa pyetje.

OMNIBUS-i bëhet në baza të rregullta çdo tre muaj.

Të anketuar janë 1 mijë e 66 persona dhe të dhënat janë mbledhur në mes të datës 16 dhe 23 dhjetor.

Shija e redaktorit

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Debati për Prishtinën, paratë e mbledhura nga mesazhet në Debat...

Mbrëmë studio e Debat Plus ishte nikoqire e debatit më të madh e vendimtar në kuadër të garës për zgjedhjet lokale në Prishtinë. Kundër kandidatët...

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Të fundit nga rubrika