Prokuroria Speciale e Republikës së Kosovës ka ngritur aktakuzë ndaj një të dyshuari për krime lufte.
Sipas njoftimit, aktakuza është ngritur ndaj Z.N, i nacionalitetit serb, për shkak të dyshimit se ka kryer veprën penale krim i luftës kundër popullsisë civile.
“Prishtinë, 26 gusht 2024 – Prokuroria Speciale e Republikës së Kosovës ka ngritur sot aktakuzë në Gjykatën Themelore në Prishtinë – Departamentin Special, kundër të pandehurit Z.N, i nacionalitetit serb, për shkak të dyshimit se ka kryer veprën penale ‘Krim i luftës kundër popullsisë civile’, e sanksionuar me nenin 142 lidhur me nenin 22 të RSFJ-së.”
Siç thuhet në njoftim, hetimet kanë vërtetuar se gjatë periudhës kohore të luftës në Kosovë gjatë vitit 1998-1999, “i pandehuri ka kryer dhunë seksuale si krim i luftës ndaj një viktimë të nacionalitetit shqiptar.”
“Kjo çështje penale tashmë i ka kaluar në kompetencë Departamentit Special të Gjykatës Themelore në Prishtinë për procedurë të mëtutjeshme. I pandehuri gjendet nën masën e sigurisë – paraburgim, sipas vendimit të Gjyqtarit të procedurës paraprake deri në një vendim të ri nga ana e gjykatës.”