Në Tiranë sapo ka nisur Samiti i Komunitetit Politik Evropian, një nga ngjarjet më të rëndësishme diplomatike që mbahet ndonjëherë në Shqipëri. Ceremonia hapëse është shoqëruar me një performancë kulturore ku janë interpretuar këngë dhe valle tradicionale shqiptare, duke ofruar një mirëseardhje simbolike për liderët evropianë.
Të gjithë liderët tashmë janë pozicionuar në vendet e tyre, duke shënuar fillimin zyrtar të diskutimeve që pritet të përqendrohen në çështje kyçe të sigurisë, stabilitetit dhe bashkëpunimit ndërmjet vendeve evropiane.