Sot do të hapet edicioni i dytë i Simpoziumit Ndërkombëtar Inter/Trans Disiplinor për Filozofi, Art dhe Teknologji “Filozofema”.
Hapja do të bëhet në sallën 127 të Fakultetit Filozofik në Universitetin e Prishtinës.
“Filozofema”, do të zhvillohet në datat 21 (me fillim prej orës 11:00) dhe 22 tetor (me fillim prej orës 12:30) në Fakultetin Filozofik (salla 127). Temat bosht të këtij edicioni do të jenë: “Filozofia e Teknologjisë tani” dhe “Arti në kontekstin bashkëkohor”.
Ky simpozium dy-ditor do të mbledhë pjesëmarrës nga vende të ndryshme si Italia, Austria, Holanda, ShBA dhe Mbretëria e Bashkuar, duke përfshirë mendimtarë dhe studiues të njohur ndërkombëtarisht.
Diskutimet do të trajtojnë sfidat e reja që paraqet teknologjia në sferën e filozofisë dhe artit, si dhe ndikimin e këtyre zhvillimeve në shoqëri.
Programi i ditës së parë do të fokusohet te Arti në kontekstin bashkëkohor, ndërsa dita e dytë do të trajtojë temën Filozofia e Teknologjisë sot.