Pas takimit me presidenten e Kosovës, Vjosa Osmani, shefi i NATO-s, Jens Stoltenberg, është pritur në takim nga kryeministri Albin Kurti.
Para se të arrinte në Kosovë, shefit i NATO-s ishte për vizitë në Bosnjë e Hercegovinë.
Pas Kosovës, Stoltenberg do të vizitojë Serbinë dhe Maqedoninë e Veriut.
Ndryshe, më 15 nëntor, presidenti ukrainas, Volodymyr Zelensky, tha në komentet për mediat afrikane më 15 nëntor se Ukraina ka prova të synimeve të Rusisë për të nisur një luftë midis vendeve të Ballkanit.
“Kushtojini vëmendje Ballkanit. Më besoni, ne po marrim informacione. Rusia ka një plan të gjatë. (Së pari kemi pasur) Lindjen e Mesme – shpërqendrimi i dytë do të jetë Ballkani”, tha Zelensky.
Po ashtu, edhe Bashkimi Evropian ndan shqetësimin e presidentit të Ukrainës, Volodymyr Zelensky, se Rusia mund të tentojë të nxisë konflikte në rajonin e Ballkanit Perëndimor.