Ka nisur takimi i deputetëve të rinj për tentativën e tretë për formimin e legjislaturës së nëntë. Fjalën hyrëse e ka pasur deputeti, Avni Dehari. Ai ka bërë të ditur se me vota unanime do të votohet për raportin e Komisionit për verifikimin e mandateve.
120 deputetë kanë votuar për anëtarët e njëjtë të Komisionit për Verifikimin e Mandateve të Deputetëve. Dhe do të jetë një pauzë 30 minuta për konsultim mes deputetëve dhe ripërpulimin e raportit të punës së këtij komisioni.
Ndryshe, para disa minutash Ministrja në detyrë e Drejtësisë, Albulena Haxhiu, ka thënë se në takimin konsultativ të sotëm është rënë dakord me të gjitha partitë që të votohet unanimisht raporti i Komisionit për verifikimin e mandateve.