Trupi i 74- vjeçarit është gjetur mes dy kalatave gjatë ditës së enjte të 9 qershorit, grupi hetimor pritet që të bëjë ekspertizën, kanë raportuar mediat lokale në Shqipëri.
Policia ka dhënë informacione rreth kësaj ngjarjeje tragjike, burimet zyrtare kanë bërë me dije se viktima është me inicialet M.M 74 vjeç, banor i lagjes “29 Nëntori”.
Dyshohet se ai është mbytur në det, ndërsa grupi hetimor ndodhet në vendin e ngjarjes dhe janë duke punuar për zbardhjen e rrethanave të ngjarjes.
Viktima, që i përket gjinisë mashkullore është evidentuar në det nga trageti e më pas policia kufitare ka njoftuar kapitenerinë e portit.