Një vetaksident rrugor ka ndodhur në rrugën që njihet si “Qafa e Duhlës” në komunën e Suharekës.
Në pamjet që ka siguruar Portali Dukagjini, shihet një automjet (kamion), i dalë nga rruga.
Aksidentin e ka konfirmuar për Portalin Dukagjini, Zëdhënësi i Policisë për Rajonin e Prizrenit, Vesel Gashi, i cili bëri të ditur se bëhet fjalë për një vetaksident.
Po ashtu, Veseli bëri të ditur se nuk ka të lënduar teksa shtoi se ekipet relevante janë duke punuar që t’i tërheqin kamionët e vetaksidentuar nga rruga.
“Ka qenë vetakisdent, persona të lëndum nuk ka, njësitet relevante janë në vendin e ngjarjes dhe janë duke bërë përpjekje që derisa të del një kompani tjetër me tërhjekë kamionin i cili ka rrëshqitë nga rruga”, ka thënë Gashi
Gashi theksoi, se njëri shirit i rrugës është i lirë për qarkullim, teksa tha se ekipet relevante janë duke punuar për ta rregulluar në plotni trafikun.