Në afërsi të objetit të Ministrisë së Punëve të Brendshme dhe të stadiumit të qytetit në Prishtinë, një objekt është përfshirë nga zjarri.
Zjarrëfikësit e Prishtinës për zjarrin u njoftuan në orët e mesditës dhe menjëherë ndërhyn me ekipin e tyre.
“…gjatë intervenimit nuk kemi pasur nevojë me e evaku askë se brenda nuk ka qenë askush, por gjithmonë ka bërë përpjekje personi që e ceka që mund të ketë banuar në objektin ku u përfshi zjarri ka bo përpjepkje me i marr gjërat e tij personale, mirëpo me insistimin tonë tu ja rujt shëndetin edhe jetën e tij ne kemi insistu që mos me me lënë me u fut brenda.“- Rrustem Uka – Zv. Udhëheqës i ndërrimit
Se çka e ka shkaktuar zjarrin që shkaktoi vetëm dëme materiale e jo rrezik për banorët do të kuptohet ditëve në vazhdim.
“Pritet tash të vij edhe inspektori i hetimit të zjrarit të fillojë me hetimin se cili është shkaktari i zjarrit, zjarri ka ndodh në këtë hapësirën në këtë shtëpinë e pa banuar të them kështu e cila ka qenë e pa-banuar, pronari është duke u marr tash në pyetje nga organet e hetuesisë, për informata më të hollësishme.“- Lulzim Fushtica – Drejtor i Sigurisë dhe Emergjencave
Edhe për dëmet materiale do të ketë një vlerësim, por të paktën sipas personit që pretendon të jetë pronari, dëmet janë të konsiderueshme.
“Ka shumë sene që kam pasur brenda, tash dikush thotë me shfrytëzu rastin por shihen. Çka po dyshon që e ka shkaktu zjarrin? Po unë po dyshoj te rryme se s’ka çka…Te shohim tash sa të dalin vatergasët çka u djegë, çka, u djegë krejt ajo, u djeg, po shihet.“-Nezir Tasheci – Pronar i shtëpisë
Tasheci thotë se në këtë hapësirë kanë jetuar që nga vitet 80′, meqenëse ka qenë pronë një ndërmarrjeje publike ku kanë punuar bashkë me babain më herët.
Për rastin ka informuar edhe Enis Pllana, Zëdhënës i Policisë së Kosovës për Kryeqytetin, i cili e ka konfirmuar se nuk kanë informacione për persona të lënduar, duke sqaruar se hetimet do t’i sqarojnë rrethanat e zjarrit në këtë objekt.