Policia e Kosovës përmes raportit 24-orësh ka njoftuar se të enjten e 6 tetorit një person është plagosur me armë zjarri si shkak i një mosmarrëveshjeje në rrugën “Memo Mato” në Prishtinë.
I njëjti është dërguar në Qendrën Klinike Universitare të Kosovës(QKUK) për trajtim mjekësor.
Sipas njoftimit, në vendin e ngjarjes janë gjetur dhe konfiskuar dy gëzhoja.
Ndërsa i dyshuari gjendet në arrati.
“Rr. Memo Mato, Prishtinë 06.10.2022 – 03:35. Viktima mashkull kosovar është dërguar në QKUK, pasi pas një mosmarrëveshjeje është plagosur me armë zjarri nga i dyshuari mashkull kosovar. Në vendin e ngjarjes janë gjetur dhe konfiskuar dy gëzhoja. I dyshuari gjendet në arrati”, thuhet në raportin e Policisë.