Në raportin 24-orësh të Policisë së Kosovës raportohet se mbrëmjen e 27 qershorit një person ka sulmuar fizikisht një tjetër në Gjakovë.
Viktima ka pësuar lëndime trupore.
“Gjakovë 27.06.2022 – 19:25. Raportohet se i dyshuari mashkull kosovar ka sulmuar fizikisht me sëpatë viktimën mashkull kosovar me ç’rast i ka shkaktuar lëndime trupore. Pas lëndimeve të marra viktima ka pranuar tretman mjekësor”, thuhet në raportin e Policisë së Kosovës.
“Në konsultim me prokurorin e shtetit, rasti vazhdon të hetohet”, thuhet tutje në raport.
Njësitë relevante policore kanë dalë në vendin e ngjarjes, mirëpo nuk e kanë hasur të dyshuarin i cili gjendet në arrati.