Vetëm pak orë pas grabitjes spektakolare në Muzeun e Luvrit në Paris, një tjetër muze në Francë është bërë shënjestër e hajdutëve.
Sipas raportimeve të BBC, rreth 2,000 monedha ari dhe argjendi, me vlerë të përafërt 90,000 euro, janë vjedhur nga Muzeu “Maison des Lumières Denis Diderot” në Landres.
Ngjarja dyshohet se ka ndodhur të dielën, ndërsa punëtorët e muzeut e zbuluan vjedhjen të martën, kur panë një arkë të thyer dhe ngritën menjëherë alarmin.
Autoritetet franceze kanë nisur hetimet, ndërsa kjo konsiderohet vjedhja e fundit në një seri grabitjesh që kanë goditur institucionet kulturore në vend muajt e fundit.
Vetëm disa orë më herët, një bandë prej katër personash kishte depërtuar me forcë në Muzeun e Luvrit në Paris, duke marrë me vete tetë bizhuteri të çmuara – përfshirë një gjerdan diamanti dhe smeraldi, dhuratë e Perandorit Napoleon për bashkëshorten e tij.
Vlera e bizhuterive të grabitura në Luvër arrin rreth 90 milionë euro, duke e bërë këtë një nga vjedhjet më të mëdha në historinë e muzeve evropiane./BBC