Gjykata Themelore në Prishtinë ka shpallur aktgjykimin dënues ndaj dy të miturve për vrasjen e 18 vjeçarit nga Podujeva, Lulzim Fejzullahu, më 14 janar.
Dy të miturit janë dënuar me 19 vite burgim së bashku, ku njëri prej tyre është dënuar me 10 vjet kurse tjetri me 9.
Familja Fejzullahu dhe avokati i tyre kanë bërë të ditur se do ta apelojnë këtë vendim.
“Njëri prej tyre është dënuar apo i është shqiptuar masa e burgimit për të mitur me kohëzgjatje prej 10 viteve. Ndërsa tjetri në kohëzgjatje prej 9 viteve. Gjykata ka konsideru që kjo seancë duhet të jetë sipas saj e tipit të mbyllur atëherë ne vetëm mundemi sipërfaqësisht vetëm ajo që është e lejuar të themi”, është shprehur avokati. Tomë Gashi pas seancës.
Kujtojmë se Lulzim Fejzullahu u godit me veturë e më pas u rrah brutalisht, në Podujevë, kurse, pas gjashtë ditësh, vdiq në QKUK.