Lojtari, Christopher Nkunku, të shtunën e 17 dhjetorit, ka nënshkruar marrëveshjen për t’u bashkuar me ekipin e Chelsea. Ndërkaq, ai zyrtarisht u bashkohet Bluve në korrik të vitit 2023.
Nkunku ndryshe njihet edhe si ylli i RB Leipzig, i cili ka realizuar 20 gola dhe 15 asistime në sezonin e kaluar në Bundesligë.
Nkunku kishte një shumë prej 53 milionë funta në kontratën e tij në Leipzig, por Fabrizio Romano ka raportuar se Chelsea e ka paguar rreth 10 milionë funte më shumë se kaq.
Ndryshe, Chelsea është në një krizë, pasi Armando Broja është përjashtuar deri në fund të sezonit për shkak të një dëmtimi në gju.