Xhudistja kosovare Nora Gjakova, e ka nisur me fitore Grand Slamin e Abu Dhabit në Emiratet e Bashkuara Arabe.
Ajo u përball në kategorinë 57 kilogramë dhe arriti të shënoi fitore ndaj xhudistes nga Koreja e Jugut, Yuna Shin.
Gjakova arriti të fitoi pasi Shin mori tri ndëshkime.
Ndërsa, në raundin e dytë u bë e ditur se do të përballet me xhudisten nga Holanda, Pleuni Cornelisse. Kështu që, edhe në raundin e dytë arriti të triumfoi ndaj holandezes, Pleuni Cornelisse, me IPPON brenda pak sekondave.
Ndryshe, në çerekfinale, ajo do të përballet me xhudisten serbe, Marica Perisic.
Vlen të theksohet se Nora Gjakova siç bën të ditur faqja zyrtare e Xhudos së Kosovës në rrjetin social Facebook, është rikthyer në përballje pas lëndimit që e kishte mbajtur disa muaj jashtë garave.
Njashtu në postim është bërë e ditur se krahas Nora Gjakovës, në Grand Slam Abu Dhabi 2022 në Emiratet e Bashkuara Arabe do të ndeshet nesër (e shtunë ) edhe nënkampionia evropiane Laura Fazliu, ndërsa pasnesër (të dielën) do të ndeshet medalistja e artë në Lojërat Mesdhetare, Loriana Kuka.
Ndërsa, gjithsej në Grand Slam do të marrin pjesë 5 kontinente, 65 shtete dhe 414 garues, thuhet në postimin e Federatës së Xhudos së Kosovës.