Nora Gjakova nuk do të paraqitet në finalen e Grand Slamit në Baku të Azerbajxhanit, pasi ka pësuar lëndime gjatë ndeshjes me kundërshtaren serbe, Marica Perishiq.
Këtë e ka bërë të ditur Federata e Xhudos së Kosovës.
“Nora Gjakova ishte e pandalshme deri në finale të Grand Slam Baku 2024, ku për arsye të lëndimit është detyruar ta ndërprejë garën dhe të marrë medaljen e argjendtë”, thuhet në njoftim.
Nora Gjakova, xhudistja nga Kosova, ka triumfuar në Grand Slam të Bakut, duke mposhtur xhudisten serbe në çerekfinale dhe siguruar vendin në gjysmëfinale.
Lexo dhe: Nora Gjakova mposht kundërshtaren serbe, kalon në gjysmëfinale të Grand Slamit në Baku
Gjakova i ka fituar dy ndeshje radhazi në kategorinë deri në 57 kilogramë.