Qendra Kombëtare për Menaxhim Kufitar (QKMK) ka njoftuar se tashmë është normalizuar qarkullimi në pikat kufitare me Serbinë pas njoftimit të djeshëm që mos përdoren ato për shkak të protestave të paralajmëruara në pjesën e Serbisë.
“Njoftohen të gjithë qytetarët se është normalizuar qarkullimi në PKK me Serbinë. Ju falënderojmë për mirëkuptim dhe bashkëpunim! Nëse keni nevojë për informim shtesë kontaktoni numrat e telefonit në QKMK 045198000, 045198606 dhe pa pagesë 080050095”, ka njoftuar QKMK.
Sot është mbajtur protesta e paralajmëruar në territorin e Serbisë, afër pikë-kalimit kufitar të Jarinjës.
Lexo më shumë: Rreth 20 protestues mblidhen në territorin e Serbisë afër pikë-kalimit kufitar të Jarinjës
Një numër rreth 20 protestues kanë qëndruar afër pikë-kalimit kufitar të Jarinjës.
Policia e Kosovës ka bërë përgatitjet dhe është pozicionuar në vendkalimin kufitar në Jarinjë, derisa në afërsi të kësaj pike po vazhdon të monitorojë edhe EULEX.