Kryetari i Prishtinës, Përparim Rama, ka njoftuar se objekti i ish ambulantës së lagjes “Viti” e fshatit Marec, ku u trajtuan shumë civilë e ushtarë të Brigadës 153 të Ushtrisë Çlirimtare të Kosovës në Gollak, është duke u rinovuar për t’u shndërruar në muze.
“Objektin e ish ambulantës së lagjes “Viti” e fshatit Marec, i cili gjatë luftës së fundit shërbeu si spital ushtarak, ku u trajtuan shumë civilë e ushtarë të Brigadës 153 të Ushtrisë Çlirimtare të Kosovës në Gollak, me kujdesin më të madh po e rinovojmë për ta shndërruar në muze”, ka shkruar Rama.
Siç tha Rama, ky investim hyn në kuadër të realizimit të projektit për rregullimin e Kompleksit Memorial të Dëshmorëve.