Kryetari i Odës Ekonomike të Kosovës, Berat Rukiqi, ka thënë se rritja e çmimeve në sektorin e ndërtimit ka ndikuar edhe në sektorë të tjerë.
Rukiqi e ka quajtur të paprecedent rritjen e inflacionit deri 10 për qind në Kosovë. Sipas tij, kjo është goditje e dyfishtë për ekonominë e vendit tonë.
“Goditja nga pandemia e cila e ka ndikuar fuqinë blerëse për një kohë. Normalisht është goditje, tani për shkak të rrethanave nga lufta në Ukrainë, e cila tani po ndikon fuqishëm në mënyrë negative nivelin e çmimeve edhe në Kosovë”, ka deklaruar Rukiqi për Kosova-Press.
Po ashtu, ai ka folur edhe për produkete që nuk vijën nga Ukarina, por që importohen nga vendet tjera.
“Ka vetëm çrregullimi të tregut dhe derisa ne i importojmë ato produkte në tregjet e ndryshme, edhe i marrim me çmime më të larta, kjo po ndikon negativisht në ekonominë tonë”.
Rukiqi e ka ngritur shqetësimin e tij, se kjo situatë do të këtë pasoja të rënda për ekonominë e vendit pasi, “kjo do të ndikojë edhe në koston e asaj se çka blihet si patundshmëri, ose çka ndërtohet, mirëpo njëkohësisht ndikon edhe në sektorë të tjerë për shkak se mund të ndikojë në fuqinë blerëse dhe pastaj kjo zbeh performancën e sektorëve, të cilët janë të lidhur me ndërtimin ose që janë në zinxhirin e sektorit të ndërtimit”.
Rukiqi, gjithashtu, ka folur edhe për rritjen ekonomike të vendit, ku ka thënë se vlerësimet mes 3 dhe 4 për qind të rritjes ekonomike, janë edhe një mesazh për Qeverinë e Kosovës.