Drejtoria për hetimin e trafikimit me narkotikë ka arrestuar katër persona të dyshuar në Prishtinë për kryerjen e veprës penale “Blerja, posedimi, shitja dhe shperndarja e paautorizuar e narkotikëve, substancave psikotrope dhe analoge’’.
Në njoftimin e policisë thuhet se gjatë operacionit policor janë arrestuar personat e dyshuar meshkuj kosovar të cekur në vijim me iniciale dhe vitin e lindjes: A. N. (1969), A. I. (1990), A. N. (1977) dhe D.Sh. (1989).
Në këtë operacion policor, policia ka rezultuar me sekuestrimin e provave/dëshmive materiale si në vijim: “(785.5) gram substancë e dyshuar narkotike e llojit kokainë, (0.2) gram substancë e dyshuar narkotike e llojit heroinë, (10.2) gram substancë e dyshuar narkotike e llojit marihuanë, një armë zjarri- revole, dy karikatorë, 14 fishekë, (9267) euro, (450) franga, (1700) lekë, (10) dollarë kanadez, (3) telefona celular, (3) peshore digjitale dhe dy automjete.
Pas kompletimit të rastit me vendim të Prokurorit kujdestar të Prokurorisë Themelore-Departamenti i Krimeve të Rënda, katër të dyshuarit dërgohen në mbajtje për procedura të mëtejme ligjore.