Partitë opozitare kanë lëshuar mbledhjen e Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit.
Vendimi për lëshimin e mbledhjes erdhi pasi partitë opozitare kërkuan që në rend dite të hyjë edhe mosdekretimi i kryeprokurorit të shtetit nga presidentja e Kosovës, Vjosa Osmani.
Ky propozim ishte diskutuar në mbledhjen e kaluar me kërkesë të deputetit, Driton Selmanaj derisa gjatë mbledhjes së ditës së sotme, kryetari i komisionit, Adnan Rrustemi nga Lëvizja Vetëvendosje tha se komisioni nuk ka drejtë të marrë vendim për këtë çështje por vetëm mund të diskutojë.
Me këtë nuk u pajtuan deputetet opozitarë të cilet kërkuan që kjo të vendoset në rend dite dhe në fund të votohet për një vendim i cili do ti linte hapësirë mbledhjes së nënshkrimeve të deputetëve në mënyrë që atë ta dërgojnë në Gjykatë Kushtetuese.
Pas një ore debat, pajtushmëria nuk u arrit dhe katër anëtarët e komisionit që vinë nga radhët e partive opozitare e kanë liruar sallën.